IV Milli Kibertəhlükəsizlik Forumu

Qeydiyyat / Çay və kofe / Şəbəkələşmə

Rəsmi açılış

Forumun rəsmi açılış mərasimində dövlət rəsmilərinin iştirakı ilə qısa çıxışlar baş tutacaq. Çıxışlarda ölkədə kibertəhlükəsizlik siyasətinin prioritetləri və rəqəmsal mühitdə dayanıqlı təhlükəsizlik sisteminin formalaşdırılması istiqamətində strateji yanaşmalar qeyd ediləcək.

“Milli Kibertəhlükəsizlik Ekosistemi”

“Milli Kibertəhlükəsizlik Ekosistemi” mövzusunda keçiriləcək sessiyada ölkənin əsas kibertəhlükəsizlik alt qurumlarının rəhbər şəxsləri çıxış edəcək. Təqdimatlarda milli kibertəhlükəsizlik ekosistemi, dövlət qurumları arasında koordinasiya, kibercinayətkarlıqla mübarizə mexanizmləri və rəqəmsal mühitdə təhlükəsizliyin təmin olunması istiqamətində görülən işlər müzakirə olunacaq. Təqdimatlarda müvafiq sahələr üzrə mövcud vəziyyətin və gözləntilərin rəqəmlərlə nümayiş etdirilməsi nəzərdə tutulur. Sessiya çərçivəsində, həmçinin beynəlxalq vendorlar ilə əməkdaşlığın rəsmiləşdirilməsi istiqamətində atılacaq növbəti addımların təqdimatı keçiriləcək və "Huawei" şirkətinin nümayəndəsinə Məşvərət Şurasının sertifikatı təqdim olunacaqdır.

Fasilə

AKTA-nın təşəbbüsləri

“Cyber Award” ölkəmizin kibertəhlükəsizlik ekosisteminə ən çox töhfə verən ekspert və təşkilatlar üçün AKTA tərəfindən təsis edilən bir mükafatdır. Forumda bu mükafatın formatı ilə bağlı təqdimat həyata keçiriləcək.

İctimai sual-cavab sessiyası

Gənc kibertəhlükəsizlik mütəxəssislərini düşündürən sualların universitet rektorları və özəl şirkət rəhbərləri tərəfindən cavablandırılması.

MoU imzalanma mərasimi

Səhnədə potensial tərəfdaşlar ilə əməkdaşlıq memorandumunun imzalanması: - Azərbaycan Dövlət İqtisad Universiteti ilə MoU imzalanması; - Şərq Tərəfdaşlığı ölkələrindən olan assossiasiyalar ilə birgə MoU imzalanması.

Panel: “Regional Təcrübə və Əməkdaşlıq”

Sessiya çərçivəsində müxtəlif ölkələrin kibertəhlükəsizlik sahəsində təcrübələri, regional əməkdaşlıq imkanları və qarşılıqlı bilik mübadiləsi müzakirə ediləcək. Xüsusilə, region ölkələri arasında koordinasiyanın gücləndirilməsi və birgə təşəbbüslərin formalaşdırılması ön plana çıxarılacaq. Paneldə çıxış edən ölkələrin kibertəhlükəsizlik ekosistemi və Azərbaycan şirkətlərinin bu ekosistemdə mümkün fəaliyyəti müzakirə ediləcək.

Nahar fasiləsi

Açıq bölmənin rəsmi çıxışları

Panel təqdimatları: “Rəqəmsal Transformasiyada Kiber Çağırışlar”

Sessiya çərçivəsində rəqəmsallaşma ilə bağlı strateji sənədlərdən irəli gələn əsas trendlər, mövcud risklər və kibertəhlükəsizlik sahəsində yaranan yeni çağırışlar müzakirə ediləcək. Eyni zamanda dövlət və özəl sektor arasında əməkdaşlığın gücləndirilməsi və dayanıqlı rəqəmsal ekosistemin qurulması yolları ön plana çıxarılacaq.

Təqdimatlar: “Süni İntellektin Kibertəhlükəsizliyə Təsiri və İnnovativ Trendlər”

Sessiya çərçivəsində süni intellektin kibertəhlükəsizlik sahəsində rolu, yaratdığı yeni imkanlar və risklər ətraflı şəkildə təqdim olunacaq. Sessiyada hücum və müdafiə mexanizmlərində AI tətbiqləri, avtomatlaşdırılmış təhlükə aşkarlanması, davranış analizi və gələcək trendlər müzakirə ediləcək.

Fasilə

Təqdimatlar: “Müasir Kibertəhlükəsizlik Təhdidləri”

Sessiya çərçivəsində yerli və xarici mütəxəssislər tərəfindən sahədəki ən son yeniliklər və praktiki yanaşmalar təqdim olunacaq. Təqdimatlarda kibertəhlükəsizlik mühitində aktual istiqamətlər, risklərin idarə olunması və effektiv müdafiə strategiyaları müzakirə ediləcək.

Kiber Diaspora və Yerli Kibertəhlükəsizlik məhsullarının tanıtımı

Sessiya çərçivəsində Kiber Diaspora nümayəndələri öz beynəlxalq təcrübələrinə dair qısa təqdimatlarla çıxış edəcək, həmçinin yerli kibertəhlükəsizlik şirkətləri tərəfindən ölkədə inkişaf etdirilən innovativ kibertəhlükəsizlik həlləri və startap layihələri təqdim olunacaqdır.

Bağlanış